រាជរដ្ឋាភិបាលមិនដែលបំភ្លេចអតីតយុទ្ធជន យោធិនពិការ ឬបណ្តោយស្លាប់ដោយមិនបានយកចិត្តទុកដាក់ព្យាបាលនោះទេ
ភ្នំពេញ៖ក្រោយពីទទួលបានព័ត៌មាន អំពីអតីតយុទ្ធជនម្នាក់ជួបការលំបាក ក្នុងការព្យាបាលជំងឺរបស់លោកដែលមានអការៈធ្ងន់ធ្ងរនោះ នៅរសៀល ថ្ងៃទី ១៥ ខែវិច្ឆិកា ឆ្នាំ២០១៩ លោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក បានអោយក្រុមការងារ និងក្រុមការងារសមាគមគ្រូពេទ្យស្ម័គ្រចិត្តយុវជនសម្តេចតេជោ(TYDA)
ចុះទៅដល់មន្ទីពេទ្យព្រះកេតុមាលា(ពេទ្យ១៧៩) ដើម្បីសួរសុខទុក្ខ និងពិនិត្យស្ថានភាពជំងឺ លោក ដិប វឌ្ឍន: អាយុ៥៤ឆ្នាំ ជាអតីតយុទ្ធជន និងជាយោធិនពិការ ដែលត្រូវបានបញ្ជូនតាមរថយន្ដសង្រ្គោះបន្ទាន់ទៅព្យាបាលនៅមន្ទីរពេទ្យព្រះកេតុមាលា(1-79)រាជធានីភ្នំពេញ។
តាមការៀបរាប់របស់លោកវេជ្ជបណ្ឌិតបានឲ្យដឹងថា អតីតយុទ្ធជនរូបនេះ មានជំងឺលើសឈាម ដំបៅក្រពះ និង មានកូនដុំសាច់ក្នុងថង់ប្រម៉ាត់ និងជាមូលហេតុបណ្តាលឲ្យគាត់ឈឺពោះខ្លាំង ដែលតម្រូវអោយមានការវះកាត់ព្យាបាលបន្តទៀត។
អ្នកស្រី អួង សារ៉ន ដែលជាភរិយាបានឲ្យដឹងថា ប្តីរបស់អ្នកស្រី បានមកដល់មន្ទីពេទ្យព្រះកេតុមាលានេះ កាលពីល្ងាច១៤ខែវិច្ឆិកា ម្សិលមិញ នឹងត្រូវធ្វេីការវះកាត់ព្យាបាលនៅថ្ងៃស្អែកនេះ។ អ្នកស្រីបានបញ្ជាក់ថារាល់ការព្យាបាលទាំងអស់នៅទីនេះមិនត្រូវបានគឹតប្រាក់នោះទេ។
ជាមួយគ្នានេះដែរ លោក ដឹប វណ្ណ: និងក្រុមគ្រួសារទាំងមូល បានគោរព ថ្លែងអំណរគុណយ៉ាងជ្រាលជ្រៅ ចំពោះសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត និងថ្នាក់ដឹកនាំក្រសួងការពារជាតិ រួមទាំងក្រុមគ្រូពេទ្យទាំងអស់ដែលបានជួយគាំទ្រ ឧបត្ថម្ភការព្យាបាល ដើម្បីស្រោចស្រង់ជីវិតលោកដែលកំពុងជួបកាលំបាកនៅពេលនេះ។
សូមបញ្ជាក់ថានេះមិនមែជាលេីកទីមួយទេដែលប្រមុខដឹកនាំប្រទេសបានគិតគូពីសុខទុក្ខអតីតយុទ្ធជន និងយោធិនពិការ រួមទាំងជីវភាពរស់នៅ ការស្នាក់នៅ ប្រាក់ឧបត្ថម្ភ និងគោលនយោបាយផ្សេងៗជាច្រេីនទៀតផ្ទុយពីក្រុមប្រឆាំងទុច្ចរិទមួយចំនួនបានបំភ័ណ្ឌព័ត៌មានផ្សេងៗថាថ្នាក់ដឹកនាំមិនបានគិតគូរ និងទុកចោលដោយមិនមានការព្យាបាល។ដោយ៖អោម ចែតច័ន្ទណារ៉ា