(កំពត)៖ នារសៀលនេះគណៈកម្មាធិការគ្រប់គ្រងគ្រោះមហន្តរាយនៃរដ្ឋបាលខេត្តកំពតបានជូនដំណឹងឲ្យគ្រប់ភាគីពាក់ពន្ធ័និងប្រជាពលរដ្ឋរស់នៅតាមបណ្តោយមាត់ព្រែកកំពង់បាយ អំពីស្ថានភាពទឹកព្រែកកំពង់បាយ ដែលឡើងចាល់ខ្លាំងយ៉ាងគំហុក។

គយរកត់សម្គាល់ថា បរិមាណទឹកដែលហូរបុកធ្លាក់ពីតំបន់ខាងលើ នៃទំនប់វារីអគ្គិសនីកំចាយ, ទំនប់ស្ទឹងកែវ និងតំបន់ផ្ទៃរងទឹកភ្លៀងមួយចំនួនទៀត បានធ្វើឱ្យទឹកព្រែកកំពង់បាយ ក្នុងខេត្តកំពត ហក់ឡើងយ៉ាងឆាប់រហ័ស ។

ក្រសួងធនធានទឹកនិងឧត្តុនិយម​បានបញ្ជាក់ថា គិតត្រឹមម៉ោង ៥ ល្ងាចថ្ងៃទី ១៧ ខែកក្កដា ឆ្នាំ ២០១៨ នេះ ទឹកព្រែកបានជន់ឡើងលិចចូលតំបន់ទំនាបមួយចំនួនក្នុងឃុំម៉ាក់ប្រាំង និងឃុំកំពង់ក្រែង ស្រុកទឹកឈូ ហើយ​ ប៉ុន្តែក្នុងក្រុងកំពតទឹកមិនទាន់ឡើងលិចច្រាំងដូចឆ្នាំមុនៗនៅឡើយទេ៕