ព័ត៌មានអន្តរជាតិ

យន្តហោះឥណ្ឌូណេស៊ីដែលធ្លាក់នោះបានជាប់ការត្រួតពិនិត្យបច្ចេកទេសដេីម្បីធ្វេីការហោះហេីរកាលពីខែមុន

image

សាច់រឿង៖រដ្ឋមន្ត្រីដឹកជញ្ជូនរបស់ឥណ្ឌូណេស៊ីបាននិយាយនៅថ្ងៃអង្គារនេះថា​ យន្ដហោះដឹកអ្នកដំណេីររបស់ក្រុមហ៊ុនអាកាសចរណ៍​ស្រីវីចាយ៉ា​ (Sriwijaya Air) ដែលបានធ្លាក់ចូលសមុទ្រកាលពីថ្ងៃសៅរ៍នោះ​ បានជាប់ការត្រួតពិនិត្យលក្ខណៈបច្ចេកទេសដេីម្បីធ្វេីការហោះហេីរកាលពីខែមុន។

យន្តហោះជើងហោះហើរលេខ​ SJ182 នោះដែលត្រូវបានផ្អាកការហោះហេីរនៅចន្លោះខែមីនា​ និង​ ខែធ្នូ​ ឆ្នាំមុនក្នុងពេលការឆ្លងរាតត្បាតរបស់វីរុសកូវីដ-១៩​ បានជាប់ការត្រួតពិនិត្យនៅថ្ងៃទី១៤ ខែធ្នូ។

យន្តហោះនេះបានធ្វេីការហោះហើរឡេីងវិញជាលេីកដំបូងនា ៥ថ្ងៃក្រោយមកដោយមិនមានអ្នកដំណើរជិះទេ​ បន្ទាប់មកក៏ដំណេីរការដឹកជញ្ជូនអ្នកដំណេីរនៅថ្ងៃទី២២ ខែធ្នូ។

ការរកឃើញបឋមក៏បានបង្ហាញផងដែរថា​ យន្ដហោះនេះនៅដំណើរការធម្មតា​ និង​ មិនមានខូចខាតកន្លែងណាមួយទេមុនពេលធ្លាក់។ 

សូមបញ្ជាក់ថា​ យន្តហោះដែលធ្លាក់នេះមានមនុស្ស ៦២នាក់នៅលើនោះនៅពេលដែលវាបានធ្លាក់ចូលសមុទ្រជ្វា។

មូលហេតុនៃការធ្លាក់នេះនៅមិនទាន់ដឹងនៅឡើយទេ​ ខណៈដែលក្រុមរុករកកំពុងព្យាយាមរកប្រអប់ខ្មៅទាំងពីររបស់យន្តហោះ៕

ព័ត៌មានទាក់ទង...