ព័ត៌មានអន្តរជាតិ

ការតវ៉ានៅតែបន្តក្នុងប្រទេសមីយ៉ាន់ម៉ាបេីទោះបីជាមានការបង្ក្រាបពីយោធា

image

សាច់រឿង៖បាតុកររាប់រយនាក់បានចេញមកធ្វេីការតវ៉ានៅតាមដងផ្លូវនៅក្នុងទីក្រុង​ម៉ាន់ដាឡេ​ (Mandalay) ប្រទេសមីយ៉ាន់ម៉ា​ នៅថ្ងៃព្រហស្បតិ៍នេះ​ បេីទោះបីជាមានការបង្ក្រាបពីរបបយោធាក៏ដោយ។ 

ការបង្ក្រាបដ៏ឃោរឃៅដែលធ្វើឡើងដោយប៉ូលិស​ និងទាហានទៅលេីក្រុមបាតុករគ្មានអាវុធដែលប្រឆាំងនឹងរបបយោធាបានធ្វេីឱ្យមនុស្សស្លាប់យ៉ាងហោចណាស់ ៥៨១នាក់ចាប់តាំងពីថ្ងៃទី១ ខែកុម្ភៈមក​ ប៉ុន្តែការតវ៉ានៅតែបន្តនៅទូទាំងប្រទេស។

របបយោធាបានព្យាយាមបង្ហាញថារដ្ឋប្រហារថ្ងៃទី០១​ ខែកុម្ភៈ​ ជាទង្វេីត្រឹមត្រូវដោយបាននិយាយថាការបោះឆ្នោតកាលពីថ្ងៃទី៨ ខែវិច្ឆិកាដែលជ័យជម្នះបានទៅលេីគណបក្សរបស់​ លោកស្រី​ អ៊ុងសាន​ ស៊ូជី​ (Aung San Suu Kyi) គឺជាការលួចបន្លំ​ ប៉ុន្តែការចោទប្រកាន់នេះត្រូវបានគណៈកម្មការរៀបចំការបោះឆ្នោតច្រានចោល។

ក្រុមមេដឹកនាំយោធាបានសន្យាថានឹងមានការបោះឆ្នោតថ្មីមួយ​ ប៉ុន្តែមិនបានកំណត់កាលបរិច្ឆេទទេ​ ហើយបានប្រកាសដាក់ប្រទេសក្នុងគ្រាអាសន្ន។ 

លោកស្រី​ អ៊ុងសាន​ ស៊ូជី​ (Aung San Suu Kyi) ដែលបានឈ្នះពានរង្វាន់ណូបែលសន្តិភាពសម្រាប់យុទ្ធនាការរបស់លោកស្រីដើម្បីនាំយកការគ្រប់គ្រងដោយស៊ីវិលតាមបែបប្រជាធិបតេយ្យទៅកាន់ប្រទេសមីយ៉ាន់ម៉ានោះ​ កំពុងត្រូវបានជាប់ឃុំ​ ហេីយការចោទប្រកាន់ជាច្រើនត្រូវបានដាក់លេី​លោកស្រី​ រួមមានទាំងការស៊ីសំណូកសូកប៉ាន់ផង។

មេធាវីរបស់​ លោកស្រី​ ស៊ូជី​ បាននិយាយថាការចោទប្រកាន់ទាំងនេះត្រូវបានប្រតិដ្ឋឡេីង៕