ផ្លូវលេខ​១០១ សង្កាត់បឹងត្របែក ខូចក្រហេងក្រហូងដោយសារការដ្ឋានសំណង់មួយ
| ព័ត៌មានជាតិ
SHARE

ភ្នំពេញ៖ ប្រជាពលរដ្ឋអ្នកធ្វេីដំណេីរ និងអ្នករស់នៅស្ថិតនៅតាមបណ្ដាយផ្លូវ​លេខ​១០១ សង្កាត់បឹងត្របែក ខណ្ឌចំការមន ជាប់នឹងការដ្ឋានសំណង់អគារខ្ពស់ សុីណូផ្លាហ្សា បានលើកឡើងថា ចាប់ពីមានការដ្ឋានសាងសង់អា​គារខ្ពស់នេះឡើងធ្វេីអោយផ្លូវខូចក្រហេងក្រហូង​ ដោយពួកគាត់បានស្នើដល់លោកអភិបាលខណ្ឌចុះត្រួតពិនិត្យមេីលផង ។


ប្រជាពលរដ្ឋបានដែលរស់នៅក្បែរការដ្ឋានសំណង់នេះបាននិយាថា ផ្លូវចាប់ផ្តើមខូចដោយសារតែរថយន្តធុនធំដឹកសំភារៈចេញចូលក្នុងការដ្ឋាននេះ និងមានរថយន្តបាញ់បេតុង ជ្រុះបេតុមកកកពេញផ្លូវ ហើយសំណង់នេះបានសាងសង់លើប្រព័ន្ធលូ ពេលមានភ្លៀងមកម្តងៗគឺស្ទះលូ ទឹកលិចចូលផ្ទះពួកគាត់ មានផ្ទះខ្លះរៀបបាវខ្សាច់ទប់មុខផ្ទះកុំទឹកលិចចូលពេលមានភ្លៀងម្តងៗ ។


លោក ព្រុំ សំខាន់ អភិបាលខណ្ឌចំការមន បានប្រាប់ក្រុមការងារទូរទស្សន៍ CNC តាមទូរស័ព្ទថា គាត់បានឲ្យក្រុមការ​ងារ​​​ចុះទៅត្រួតពិនិត្យជាបន្ទាន់បេីសិនជាមានផ្លូវខូចខាតដោយសារការដ្ឋាននេះមែន និងចាត់ចែងអោយការមេការ ការដ្ឋានត្រូវទទួលខុសត្រូវធ្វេីផ្លូវដែលខូចខាតឲ្យស្អាតឡេីងវិញ តែបេីសិនជាមិនមែនខុសមកពីការដ្ឋានលោកនឹងទំនាក់ទំនងទៅមន្ទីរសាធារណការរាជធានីភ្នំពេញឲ្យចុះមកត្រួតពិនិត្យ និងកសាងផ្លូវដែលរងការខូច​ខាត​នេះឡើងវិញ៕(អត្ថបទ៖ ឃឹម វិសាល)

Logo Brand Footer

Tel: 078 888 900
ផ្លូវជាតិលេខ ៥, ភូមិក្រោលគោ, សង្កាត់គីឡូម៉ែត្រលេខ ៦, ខណ្ឌឫស្សីកែវ, រាជធានីភ្នំពេញ, ប្រទេសកម្ពុជា

ទាញយកកម្មវិធី CNC NEWS ទៅក្នុងទូរស័ព្ទអ្នក

App Store  Play Store

Follow US

Facebook

Youtube

Line

កំពុងស្វែងរក:

​© រក្សា​សិទ្ធិ​គ្រប់​យ៉ាង​ដោយ​ CNC ឆ្នាំ​២០១៧ | Developed by INSTICT Innovation