​សម្តេចតេជោ ហ៊ុន សែន៖ កុំយកអធិបតេយ្យជាតិទៅប្តូរជាមួយជំនួយ, កុំយកសន្តិភាពប្រទេសជាតិទៅប្តូរជាមួយជំនួយ
| ព័ត៌មានជាតិ
SHARE


សម្តេចតេជោ ហ៊ុន សែន បានមានប្រសាសន៍ថា កុំយកអធិបតេយ្យជាតិទៅប្តូរជាមួយជំនួយ, កុំយកសន្តិភាពប្រទេសជាតិទៅប្តូរជាមួយជំនួយ។

នេះជាការលើកឡើងរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា នៅរសៀលថ្ងៃទី៧ ខែតុលា ឆ្នាំ២០១៨ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ក្នុងឱកាសជួបសំណេះសំណាលជាមួយនិស្សិតដែលកំពុងបន្តការសិក្សា និងបងប្អូនប្រជាពលរដ្ឋរស់នៅទីក្រុងតូក្យូ ប្រទេសជប៉ុន។

ក្នុងពីធីសំណេះសំណាលនោះ សម្តេចតេជោ ហ៊ុន សែន បានមានប្រសាសន៍នៅចំពោះមុខប្រជាពលរដ្ឋ និងនិស្សិតដែលកំពុងសិក្សានៅប្រទេសជប៉ុនថា រាជរដ្ឋាភិបាលកម្ពុជានាពេលបច្ចុប្បន្ននេះបានខិតខំលើគ្រប់វិស័យ ធ្វើឲ្យកំណើនសេដ្ឋកិច្ចខ្ពស់រង្វង់៧ភាគរយ ជាមួយគ្នាសុខសន្តិភាពវិញ សម្តេចតេជោបានបង្ហាញឆន្ទះថានឹងខិតខំការពារជាតិ ការពាសន្តិភាព ទើបយើងរាំងមាំ សម្តេចតេជោបានបញ្ជាក់ថា កុំយកអធិបតេយ្យជាតិទៅប្តូជាមួយជំនួយកុំយកសន្តិភាពប្រទេសជាតិទៅប្តូជាមួយជំនួយ។


នៅក្នុងឱកាសនេះ សម្តេចបានមានប្រសាសន៍ថា កម្ពុជាបច្ចុប្បន្នស្មើមុខស្មើមាត់ជាមួយអន្តរជាតិ សម្តេចតេជោ ហ៊ុន សែន បានថ្លែងថា សម្តេចបានបំពេញទស្សនកិច្ចនៅប្រទេសជប៉ុនចំនួន២២លើករួចមកហើយ ដើម្បីបន្តកិច្ចសហប្រតិបត្តការជាមួយជាជប៉ុន។

សម្តេចតេជោ​ នាយករដ្ឋមន្ត្រី​ ថ្លែងទៅកាន់និស្សិត និងប្រជាពលរដ្ឋថា ការអភិវឌ្ឍតំបន់ត្រីកោណគឺជាគំនិតផ្តួចផ្តើមដោយផ្ទាល់របស់សម្តេច ដោយសារសម្តេចឃើញខេត្តកម្ពុជាចំនួន៤ជាខេត្តក្រីក្រ និងខេត្តរបស់វៀតណាម លាវ ក៏ក្រីក្រ គឺមិនមានគំនិតណាមួយក្នុងការកាត់ទឹកដីឲ្យវៀតណាមនោះទេ។ តំបន់ត្រីកោណនេះ រដ្ឋាភិបាលជប៉ុន ក៏បានគាំទ្រផងដែរ ហើយគម្រោងនេះ ជាការផ្តួចផ្តើមឲ្យមានកិច្ចសហប្រតិបត្តិការមេគង្គ-ជប៉ុន។ សម្តេចតេជោ ហ៊ុន សែន បានមានប្រសាសន៍បន្តទៀតថា កិច្ចសហប្រតិបត្តិការមេគង្គ-ជប៉ុន គឺជាកិច្ចសហប្រតិបត្តិការមួយក្នុងការកាត់បន្ថយគម្លាតអភិវឌ្ឍន៍របស់ប្រទេសសមាជិកអាស៊ានថ្មី និងចាស់។

ទាក់ទងទៅនឹងវិស័យការងារ សម្តេចតេជោ ហ៊ុន សែន បានមានប្រសាសន៍ថា ប្រាក់ឈ្នួលរបស់កម្មករ កម្មការិនី ត្រូវឡើងរាល់ឆ្នាំ ទោះឡើងតិច ឬឡើងច្រើនក៏ដោយ ហើយសម្រាប់ឆ្នាំ២០១៩ខាងមុខនេះ ប្រាក់ឈ្នួលទាបបំផុតរបស់កម្មករបានដល់ ១៨២ដុល្លារ និងតម្រូវឲ្យមានការបញ្ចុះថ្លៃអគ្គិសនីសម្រាប់រោងចក្រទៀតផង។

សម្តេចនាយករដ្ឋមន្ត្រីបានបន្តទៀតថា រាជរដ្ឋាភិបាលបានខិតខំណាស់ក្នុងការបណ្តុះបណ្តាលធនធានមនុស្សទាំងក្នុងប្រទេស ហើយក៏ខិតខំសុំអាហារូបករណ៍ក្រៅប្រទេសបន្ថែមទៀត។ បច្ចុប្បន្នកម្ពុជាមិនទាន់អាចផ្គត់ផ្គង់ធនធានមនុស្សគ្រប់គ្រាន់ឆ្លើយតបតម្រូវការវិនិយោគនៅឡើយទេ។

សម្តេចតេជោ ហ៊ុន សែន បានផ្តាំដល់និស្សិតកំពុងសិក្សានៅជប៉ុនថា ជប៉ុនជាប្រទេសមានការអប់រំខ្ពស់ ដូច្នេះត្រូវប្រឹងប្រែងរៀនសូត្រ ហើយពលរដ្ឋទៅរស់នៅជប៉ុន ក៏ត្រូវជំរុញឲ្យបានរៀនសូត្រខ្ពស់ផងដែរ។ សម្តេចតេជោ ក៏បានថ្លែងអំណរគុណដល់ពលរដ្ឋនៅជប៉ុន ដែលបានចូលរួមរក្សាដំណើរលទ្ធិប្រជាធិបតេយ្យតាមរយៈការអំពាវនាវឲ្យពលរដ្ឋក្នុងស្រុកទៅបោះឆ្នោតកាលពីថ្ងៃទី២៩ ខែកក្កដា កន្លងទៅ។

នៅក្នុងឱកាសនោះផងដែរ សម្តេចតេជោ ហ៊ុន សែន ក៏បានយកសៀវភៅច្បាប់អប់រំទូន្មានក្រុមង៉ុយ និងបណ្ឌិត អ៊ូចុង ចែកជូននិស្សិត និងប្រជាពលរដ្ឋដែលរស់នៅជប៉ុន និងបានបានឧបត្ថម្ភនិស្សិតទាំងអស់ក្នុងម្នាក់ៗ ៥០០ដុល្លារ ផងដែរ៕(អត្ថបទ និងរូបភាព ហ៊ន សុភ័ក្រ)


Logo Brand Footer

Tel: 078 888 900
ផ្លូវជាតិលេខ ៥, ភូមិក្រោលគោ, សង្កាត់គីឡូម៉ែត្រលេខ ៦, ខណ្ឌឫស្សីកែវ, រាជធានីភ្នំពេញ, ប្រទេសកម្ពុជា

ទាញយកកម្មវិធី CNC NEWS ទៅក្នុងទូរស័ព្ទអ្នក

App Store  Play Store

Follow US

Facebook

Youtube

Line

កំពុងស្វែងរក:

​© រក្សា​សិទ្ធិ​គ្រប់​យ៉ាង​ដោយ​ CNC ឆ្នាំ​២០១៧ | Developed by INSTICT Innovation