កីឡា

គ្រូថ្មីរបស់ Real Madrid ចាប់ផ្ដើមការងារជាមួយជ័យជំនះ​នៅពានរង្វាន់ Copa del Rey

image

គ្រូបង្វឹកបណ្ដោះអាសន្នរបស់ Real Madrid លោក Santiago Solari បានចាប់ផ្ដើមការងារជាមួយលទ្ធផលវិជ្ជមានគឺជួយក្រុមឈ្នះក្រុមលីគទី៣ UD Melilla នៅពានរង្វាន់ Copa del Rey។​
ជំនួបជើងទីមួយ វគ្គ៣២ក្រុម កាលពីយប់មិញ ក្រុមអធិរាជស បានប្រើប្រាស់កីឡាករបម្រុង និងក្មេងៗភាគច្រើនប៉ុន្តែនៅតែអាចយកឈ្នះទៅលើម្ចាស់ផ្ទះដដែល។

ជាក់ស្តែង ពួកគេយកបានគ្រាប់បើកឆាកដោយ Karim Benzema នៅនាទី២៨ ហើយ Marco Asensio ជាអ្នករកបានគ្រាប់ទី២ នៅនាទិ៤៥។
មកដល់តង់ទី២ នាទី៧៩ កីឡាករយុវជន Alvaro Odriozola​ បានបន្ថែមគ្រាប់ទី៣ ហើយគ្រាប់ចុងក្រោយជាគុណសម្បត្តិរបស់ កីឡាករយុវជនមួយរូបទៀត គឺ Cristo Gonzalez។

សម្រាប់ការប្រកួតជើងទីពីរនឹងធ្វើឡើងថ្ងៃទី៦ ខែធ្នូ ខាងមុខ។
រីឯគូប្រជែងរបស់ Real Madrid គឺ Barcelona ក៏បានឈ្នះ Cultural Leonesa ផងដែរ ដោយលទ្ធផល ១-០៕

ព័ត៌មានទាក់ទង...