ប្រទេសកូរ៉េខាងត្បូងប្រឆាំងនឹងការអះអាងជាដដែលៗរបស់ប្រទេសជប៉ុនចំពោះកោះដែលមានជម្លោះ
| ព័ត៌មានអន្តរជាតិ
SHARE


នៅថ្ងៃអង្គារនេះ ក្រសួងការបរទេសកូរ៉េខាងត្បូងបានកោះហៅបេសកជនជប៉ុនលោក ខយជី មីហ្ស៊ូស៊ីម៉ា (Koichi Mizushima) ឲ្យចូលជួប និងបានបង្ហាញការជំទាស់ បន្ទាប់ពីប្រទេសជប៉ុនបាននិយាយម្តងហើយម្តងទៀតនៅក្នុងឯកសារគោលនយោបាយការបរទេសប្រចាំឆ្នាំរបស់គេអំពីីការអះអាងចំពោះកោះដែលមានជម្លោះ


កោះដាច់ស្រយាលដែលមានឈ្មោះថាកោះដូកដូ (Dokdo) នៅក្នុងភាសាកូរ៉េ និងកោះតាកិស៊ីម៉ា (Takeshima) នៅក្នុងភាសាជប៉ុននោះត្រូវបានគ្រប់គ្រងដោយប្រទេសកូរ៉េខាងត្បូង និងជាចំណុចសំខាន់នៅក្នុងជម្លោះដ៏យូរអង្វែងមកហើយរវាងប្រទេសទាំង២ ខណៈដែលប្រទេសកូរ៉េខាងត្បូងបានចាត់ទុកការអះអាងរបស់ជប៉ុនថា ជាការកើើតមកចេញមកពីអតីតអាណានិគមរបស់គេ


កាលពីព្រឹកថ្ងៃអង្គារនេះ, ប្រទេសជប៉ុនបានចេញផ្សាយឯកសារគោលនយោបាយការបរទេសប្រចាំឆ្នាំរបស់គេ ដែលបានអះអាងថាកោះនោះជាផ្នែកនៃទឹកដីរបស់ជប៉ុន ហើយបានរាយការណ៍ទៅកាន់គណៈរដ្ឋមន្ត្រី។
សូមរំលឹកថា ប្រទេសជប៉ុនបានដាក់អាណានិគមលើឧបទ្វីបកូរ៉េចាប់ពីឆ្នាំ១៩១០ រហូតដល់សង្គ្រាមលោកលើកទី២របស់ជប៉ុនបានបរាជ័យនៅក្នុងឆ្នាំ១៩៤៥។ ពលរដ្ឋកូរ៉េបានចង់ចាំនូវការគ្រប់គ្រងយ៉ាងជូរចត់របស់ជប៉ុន ដោយបាននិយាយថា មនុស្សជាច្រើនត្រូវបានកេណ្ឌទៅធ្វើការងារដោយបង្ខំ ហើយស្ត្រីត្រូវបានបង្ខំឲ្យធ្វើជាទាសករផ្លូវភេទរបស់ទាហាន៕

Logo Brand Footer

Tel: 078 888 900
ផ្លូវជាតិលេខ ៥, ភូមិក្រោលគោ, សង្កាត់គីឡូម៉ែត្រលេខ ៦, ខណ្ឌឫស្សីកែវ, រាជធានីភ្នំពេញ, ប្រទេសកម្ពុជា

ទាញយកកម្មវិធី CNC NEWS ទៅក្នុងទូរស័ព្ទអ្នក

App Store  Play Store

Follow US

Facebook

Youtube

Line

កំពុងស្វែងរក:

​© រក្សា​សិទ្ធិ​គ្រប់​យ៉ាង​ដោយ​ CNC ឆ្នាំ​២០១៧ | Developed by INSTICT Innovation