ព័ត៌មានជាតិ

នាយករដ្ឋមន្រ្តី ផ្ញើសារជូនពរសាសនិកឥស្លាម ទូទាំងពិភពលោក ក្នុងឱកាសចូលបួស ខែរ៉ម៉ាឌន

image

សម្តេចតេជោ នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចប៊ុនរ៉ានីហ៊ុនសែន បានផ្ញើសារអបអរសាទរ និងសូមជូននូវពរជ័យ សិរីសួស្ដី សុភមង្គល បវរមហាប្រសើរ ជូនដល់បងប្អូនសាសនិកឥស្លាមកម្ពុជា ក្នុង និងក្រៅប្រទេស រួមទាំងបងប្អូន សាសនិកឥស្លាម នៅទូទាំងពិភពលោកផងដែរ ដែលបានចូលបួសខែរ៉ម៉ាឌន ដែលកម្ពុជានឹងចាប់ផ្ដើម នៅថ្ងៃព្រហស្បតិ៍ទី ១ ខែ រ៉ម៉ាឌន ឆ្នាំ ១៤៣៩ ម៉ូហាំម៉ាត់ សករាជ ត្រូវនឹងថ្ងៃទី ៣ កើត ខែ ជេស្ឋ ឆ្នាំច សំរឹទ្ធស័ក ព.ស ២៥៦២ ដែលត្រូវនឹងថ្ងៃទី ១៧ ខែ ឧសភា ឆ្នាំ ២០១៨។

សម្តេចបានសូមបួងសួង ឲ្យបងប្អូនទាំងអស់ទទួលបាននូវសេចក្តីសុខសប្បាយ ក្ដីមេត្តា ករុណាពីអល់ឡស់គ្រប់ៗគ្នា និង សុំអោយអល់ឡស់ទទួលយកនូវកុសលផលបុណ្យខែបួសរ៉ម៉ាឌន ទាំងអស់ដែលបងប្អូនបានប្រតិបត្តិ សាងឡើងកុំបីអាក់ខានឡើយ។

សូមជំរាបថា ខែបួសរ៉ម៉ាឌន ប្រារព្ឋធ្វើឡើងរយៈពេលពេញមួយខែគត់ ជារៀងរាល់ឆ្នាំ ដោយចាប់ពីថ្ងៃទី១៧ឧសភានេះ ដល់ថ្ងៃទី១៥ ឬ១៦ខែមិថុនា៕


ព័ត៌មានទាក់ទង...