ស.ស.យ.ក រៀបចំ ពិធីប្រកាសទទួលស្គាល់សមាសភាពក្រុមការងារសហភាពសហព័ន្ធយុវជនកម្ពុជា វិស័យព័ត៌មាន
| ព័ត៌មានជាតិ
SHARE


ភ្នំពេញ៖ នាព្រឹកថ្ងៃទី០៥ ខែកញ្ញា ឆ្នាំ២០១៩នេះ នៅទីស្តីការក្រសួងព័ត៌មាន ឯ.ឧ ហ៊ុន ម៉ានី ប្រធានសហភាពសហព័ន្ធយុវជនកម្ពុជាបានប្រកាសទទួស្គាល់សមាជិក សមាជិកាបន្ថែមថ្មីរបស់សហភាពសហព័ន្ធយុវជនកម្ពុជាវិស័យព័ត៌មាន ចំនួន១៩៦នាក់។

ក្នុងពិធីនេះ ក៏មានវត្តមានអញ្ជើញចូលរួមពីសំណាក់ ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន រួមជាមួយវត្តមានថ្នាក់ដឹកនាំក្រសួងព័ត៌មាន សមាជិក សមាជិកា គណៈកម្មាធិការកណ្តាល ស.ស.យ.ក. លោក លោកស្រីសមាជិក សមាជិកា ស.ស.យ.ក. ចំនួនជាង ២០០ នាក់។

ឯ.ឧ តូច ណារ័ត្ន សមាជិក គណៈអចិន្ត្រៃយ៍ គណៈកម្មាធិការកណ្តាល ស.ស.យ.ក. បានធ្វើវឌ្ឍនភាពការងាររបស់ ស.ស.យ.ក. វិស័យព័ត៌មាន និងបង្ហាញពីភាពរីកចម្រើនជាបន្តបន្ទាប់របស់យុវជនយើង ហើយ លោកក៏បានបន្ថែមដោយបានថ្លែងអំណរគុណដល់ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មានដល់ទឹកចិត្ត និងការចូលរួមរបស់ឯកឧត្តមរដ្ឋមន្ត្រី ដែលតែងតែចូលរួមគាំទ្រជាមួយយុវជនស.ស.យ.ក. ក្នុងសកម្មភាពសង្គម ទាំងទឹកចិត្ត ស្មារតី និងធនធាន។ ឯ.ឧ តូច ណារ័ត្ន បានដាក់ទិសដៅការងារសម្រាប់ឆ្នាំបន្ទាប់ ព្រមទាំងបានប្តេជ្ញាដើរតាមមាគ៌ាដឹកនាំរបស់ថ្នាក់ដឹកនាំ និងរាជរដ្ឋាភិបាល អោយស្របតាមដំណើរវិវឌ្ឍរបស់កម្ពុជា និងដើម្បីភាពរីកចម្រើនរបស់ប្រទេសជាតិ៕

Logo Brand Footer

Tel: 078 888 900
ផ្លូវជាតិលេខ ៥, ភូមិក្រោលគោ, សង្កាត់គីឡូម៉ែត្រលេខ ៦, ខណ្ឌឫស្សីកែវ, រាជធានីភ្នំពេញ, ប្រទេសកម្ពុជា

ទាញយកកម្មវិធី CNC NEWS ទៅក្នុងទូរស័ព្ទអ្នក

App Store  Play Store

Follow US

Facebook

Youtube

Line

កំពុងស្វែងរក:

​© រក្សា​សិទ្ធិ​គ្រប់​យ៉ាង​ដោយ​ CNC ឆ្នាំ​២០១៧ | Developed by INSTICT Innovation