មេដឹកនាំក្រុងហុងកុងប្រកាសដកចេញសេចក្តីព្រាងច្បាប់ស្តីពីការធ្វើបត្យាប័នជាផ្លូវការ
| ព័ត៌មានអន្តរជាតិ
SHARE

នាយកប្រតិបត្តិហុងកុង លោកស្រី Carrie Lam បានប្រកាសកាលពីថ្ងៃពុធថា រដ្ឋាភិបាលនឹងដកជាផ្លូវការនូវពង្រាង បត្យាប័ន ដែលបានបង្កឱ្យមានបាតុកម្មជាច្រើនខែមក ដោយផ្អែកទៅលើការទាមទារមួយ របស់ក្រុមអ្នកតវ៉ា ក្នុងក្តីសង្ឃឹមថា នឹងបញ្ចប់នូវភាពវឹកវរ ដែលកំពុងកើនឡើង។

ច្បាប់នេះ នឹងអនុញ្ញាត ឱ្យប្រជាជនហុងកុង ត្រូវបានបញ្ជូនទៅប្រទេសចិនដីគោក សម្រាប់ការសាកល្បង។ វាបានជំរុញឱ្យមានការតវ៉ាយ៉ាងខ្លាំង ចាប់តាំងពីខែមិថុនាមក និងបណ្តាលឱ្យអាកាសយានដ្ឋាន ត្រូវបិទនៅដើមខែនេះ។

លោកស្រីឡាំ បាននិយាយថា រដ្ឋាភិបាលនឹងមិនទទួលយក ការទាមទារផ្សេងទៀត រួមទាំងការស៊ើបអង្កេតឯករាជ្យមួយ ចំពោះការប្រព្រឹត្តមិនត្រឹមត្រូវ របស់ប៉ូលីសប្រឆាំងនឹងក្រុមបាតុករ និងការដោះលែង ដោយឥតលក្ខខណ្ឌនូវអ្នកដែលត្រូវបានឃុំខ្លួន។ ផ្ទុយទៅវិញលោកស្រី បានដាក់ឈ្មោះសមាជិកថ្មីពីរនាក់ អោយទៅធ្វើជាភ្នាក់ងារឃ្លាំមើលប៉ូលីស ដើម្បីស៊ើបអង្កេតរឿងនេះ។

លោកស្រីឡាំ បាននិយាយថា វាច្បាស់ណាស់ថា ការខកចិត្តជាសាធារណៈ បានហួសពីច្បាប់ ហើយរដ្ឋាភិបាលរបស់លោកស្រី នឹងស្វែងរកការសន្ទនា ជាមួយក្រុមដែលមានការព្រួយបារម្ភ។

លោកស្រីឡាំ បានធ្វើសេចក្តីប្រកាសនេះ បន្ទាប់ពីបានជួបជាមួយសមាជិកសភា ដែលគាំទ្ររដ្ឋាភិបាល និងសមាជិកសមាជិកាសភាប្រជាជនជាតិ និងសន្និសីទ ពិគ្រោះយោបល់នយោបាយប្រជាជនចិន៕

Logo Brand Footer

Tel: 078 888 900
ផ្លូវជាតិលេខ ៥, ភូមិក្រោលគោ, សង្កាត់គីឡូម៉ែត្រលេខ ៦, ខណ្ឌឫស្សីកែវ, រាជធានីភ្នំពេញ, ប្រទេសកម្ពុជា

ទាញយកកម្មវិធី CNC NEWS ទៅក្នុងទូរស័ព្ទអ្នក

App Store  Play Store

Follow US

Facebook

Youtube

Line

កំពុងស្វែងរក:

​© រក្សា​សិទ្ធិ​គ្រប់​យ៉ាង​ដោយ​ CNC ឆ្នាំ​២០១៧ | Developed by INSTICT Innovation