សហរដ្ឋអាមេរិក ​បានដឹងថា​ នរណាជាអ្នកនៅពីក្រោយការវាយប្រហារ លើទីតាំងប្រេង របស់ប្រទេសអារ៉ាប៊ីសាអូឌីតប៉ុន្តែកំពុងរង់ចាំការផ្ទៀងផ្ទាត់ សម្រាប់ការវាយតម្លៃ នៃការទទួលខុសត្រូវមុនពេលសម្រេចចិត្តថា តើត្រូវដំណើរការយ៉ាងដូចម្តេច។

លោក Trump និយាយនៅលើ Twitter ថា“ ការផ្គត់ផ្គង់ប្រេងអារ៉ាប៊ីសាអ៊ូឌីតត្រូវបានវាយប្រហារ មានហេតុផល ដើម្បីជឿជាក់ថា យើងដឹងថានរណា ជាអ្នកធ្វើប៉ុន្តែយើងកំពុងរង់ចាំស្តាប់ ពីប្រទេសអារ៉ាប៊ីសាអូឌីតវិញថា ពួកគេជឿថា អ្នកណាជាបុព្វហេតុ នៃការវាយប្រហារនេះ ហើយស្ថិតនៅក្រោម លក្ខខណ្ឌដែលយើងនឹងបន្ត! "

លោក Trump ថ្លែងថា ដើម្បីឆ្លើយតបទៅនឹងការវាយប្រហារ ទៅលើរោងចក្រប្រេង និងវាលប្លុកប្រេង ប្រទេសអារ៉ាប់ប៊ីសាអូឌីត ដែលលោកបានអនុញ្ញាត ឱ្យមានការបញ្ចេញប្រេងចេញពីទុនបំរុងយុទ្ធសាស្ត្រ។

ការវាយប្រហារ ដោយយន្តហោះ គ្មានមនុស្សបើក កាលពីថ្ងៃសៅរ៍ ទៅលើរោងចក្រ Abqaiq និងអណ្តូងប្រេង Khurais បាននាំឱ្យមានការរំខាន ដល់ផលិតកម្មប្រេងឆៅ របស់រាជាណាចក្រអារ៉ាប់ ប្រមាណ ៥.៧ លានបារ៉ែល ក្នុងមួយថ្ងៃ ដែលស្មើនឹងជាង ៥% នៃការផ្គត់ផ្គង់ប្រចាំថ្ងៃ របស់ពិភពលោកនោះ។

ឧប្បត្តិហេតុនេះ បានបង្កឱ្យមានអគ្គិភ័យដ៏ធំ និងបានបង្អាក់ផលិតកម្មប្រេងនៅក្នុងប្រទេសអារ៉ាប៊ីសាអូឌីតយ៉ាងធ្ងន់ធ្ងរ។ លោក Trump បានសរសេរទៀតថាការវាយប្រហារនេះ "អាចជះឥទ្ធិពលដល់តម្លៃប្រេង" នេះជាមូលហេតុដែលសហរដ្ឋអាមេរិក បានសំរេចចិត្តបញ្ចេញប្រេងពីទុនបំរុងដើម្បី រក្សាទីផ្សារផ្គត់ផ្គង់ឱ្យបានល្អ។

ក្រុមឧទ្ទាមហូធី ដែលគាំទ្រដោយអ៊ីរ៉ង់អះអាងថា ខ្លួនបានអនុវត្តការវាយប្រហារនេះ​ប៉ុន្តែក្រុងវ៉ាស៊ីនតោន​បានស្តីបន្ទោសអ៊ីរ៉ង់ក្នុងរឿងនេះ៕