ខេត្តស្វាយរៀង នឹងទទួលបានប្រព័ន្ធធារាសាស្ត្រ នៅអាងទឹកព្រែកនាល ក្នុងតម្លៃប្រមាណ ២លានដុល្លារពីរាជរដ្ឋាភិបាល ដើម្បីកាត់បន្ថយទឹកជំនន់ និងគ្រោះរាំងស្ងួត
អត្ថបទ៖ CNC
ភ្នំពេញ៖ រាជរដ្ឋាភិបាលកម្ពុជា នឹងសាងសង់ប្រព័ន្ធធារាសាស្ត្រមួយនៅអាងទឹកព្រែកនាល ក្នុងខេត្តស្វាយរៀង ដោយទទួលបានជំនួយពីរដ្ឋាភិបាលកូរ៉េ តាមរយៈទីភ្នាក់ងារសហប្រតិបត្តិការអន្តរជាតិកូរ៉េ (KOICA)។
ប្រព័ន្ធធារាសាស្ត្រនេះ មានគោលបំណងកាត់បន្ថយទឹកជំនន់ និងគ្រោះរាំងស្ងួត ផ្គត់ផ្គង់ប្រព័ន្ធធារាសាស្រ្ត ការផ្គត់ផ្គង់ទឹកក្នុងគ្រួសារ ឧស្សាហកម្ម និងបង្កើនផលិតភាព និងប្រសិទ្ធភាពកសិកម្ម។
គម្រោងសិក្សាលើការសាងសង់ប្រព័ន្ធធារាសាស្ត្រនេះ បានសិក្សាបញ្ចប់សព្វគ្រប់ហើយ។ នៅថ្ងៃទី២០ ខែវិច្ឆិកា ឆ្នាំ២០២៣នេះ KOICA និងក្រសួងធនធានទឹក និងឧតុនិយម បានរៀបចំសិក្ខាសាលាបង្ហាញការសិក្សាលើគម្រោងខាងលើនេះ។
សិក្ខាសាលាធ្វើឡើងដោយមានការអញ្ជើញចូលរពីលោកស្រី Moonjung CHOI នាយកប្រចាំប្រទេសនៃការិយាល័យកយកានៅកម្ពុជា, លោក ប៉ុញ សច្ចៈ រដ្ឋលេខាធិការ ក្រសួងធនធានទឹក និងឧតុនិយម និងលោកស្រី Minnie Chay នាយកប្រចាំប្រទេសនៃធនាគារ K-Exim៕
