ប្រទះឃើញគ្រាប់មីនតោន៣គ្រាប់ នៅច្រាំងទន្លេសាបជ្រោយចង្វា
| ព័ត៌មានជាតិ
SHARE

ភ្នំពេញ៖គ្រាប់មីនតោន ដែលបន្សល់ទុកតាំងពីជំនាន់សង្គ្រាម ៣គ្រាប់ត្រូវបានប្រជានេសាទ ប្រទះឃើញផុសឡើងនៅមាត់ទឹក ទន្លេសាបទន្ទឹមផ្សារចាស់ ក្នុងសង្កាត់ជ្រោយចង្វាខណ្ឌជ្រោយចង្វា រាជធានីភ្នំពេញ បង្កអោយមានការភ្ញាក់ផ្អើលកាលពីម៉ោងប្រមាណ៨ព្រឹកថ្ងៃទី២៥ខែមីនា ឆ្នាំ ២០២០ ហើយរាយការណ៍ទៅ មន្រ្តីស៊ីម៉ាក់ចុះទៅយកចេញវិញនៅម៉ោងប្រមាណ១០ព្រឹក ។

 តាមនគរបាលអោយដឹងថា នៅព្រឹកនោះ មានអ្នកនេសាទជាជនជាតិអ៊ិស្លាម បានចូលទូកឈប់ចតនៅក្បែរច្រាំងទន្លេសាបក៏បានប្រទះឃើញ គ្រាប់មីនតោន ខណះ ដែលទឹករលក់បោកបក់ និងទឹកស្រកផុត ។បន្ទាប់ពីប្រទះឃើញ គ្រាប់ ក៏បានរាយការណ៍ប្រាប់នគរបាល និងអាជ្ញាធរ នាំគ្នា ចោទចំណាំ និងបានរាយការណ៍ទៅមន្រ្តីស៊ីសម៉ាក់ចុះទៅយក។គ្រាប់មីនតោន នោះត្រូវបានគេដឹងថា  ជាប្រភេទគ្រាប់ប្រឆាំងរថគ្រោះកាលពីសម័យសង្គ្រាមនៅមានគុណភាពល្អគ្រាន់តែច្រេះបន្តិចបន្តួច តែប៉ុណ្ណោះ។

 នៅព្រឹកនោះ គេឃើញ មន្រ្តីស៊ីម៉ាកចំនួន ២នាក់បានចុះទៅកាយយកគ្រាប់នោះ ដាក់ក្នុងរថយន្ត  ដើម្បីយកទៅកម្ទេចចោល ។

 តាមមន្រ្តីស៊ីម៉ាក បានអោយដឹងថា គ្រាប់នោះ ម៉ាកTM46ចំនួន២គ្រាប់ និងម៉ាកTNM46មួយគ្រាប់  ផលិតនៅប្រទេសសូវៀត។គ្រាប់នោះសន្សល់ទុកតាំងពីជំនាន់សង្គ្រាមលន់ណុលមកម្ល៉េះ។

 តាមព័ត៌មានអោយដឹងថា កន្លងមក មានប្រជាពលរដ្ឋខ្មែរ អ៊ិស្លាម ដែលជាអ្នកនេសាទ បានប្រទះឃើញ គ្រាប់មីនតោន នៅចំណុច នោះជាច្រើនគ្រាប់មកហើយ បន្ទាប់ពីរដូវវស្សាទឹកឡើង បាក់ច្រាំង ហើយ នៅពេលទឹកស្រកវិញ ទឹករលក់បោកបក់ បានផុសឡើងនូវកំណប់គ្រាប់មីនតោនតែម្តង។

 តាមចាស់ៗដែលរស់នៅ សង្កាត់ជ្រោយចង្វាបានអោយដឹងថា កាលពីជំនាន់លន់ណុល ត្រង់ចំណុចនោះ ជាចំណតកប៉ាល់  កងទ័ព ដែលដឹកគ្រាប់មីន និងអាវុធយុទ្ធភណ្ឌសម្រាប់ធ្វើសង្គ្រាមជាហេតុធ្វើអោយគ្រាប់មីនតោនជាច្រើននៅរាយប៉ាយនៅច្រាំងទន្លេសាបនិងកប់ដី ហើយ ត្រូវបានប្រទះឃើញជាបន្តបន្ទាប់៕

Logo Brand Footer

Tel: 078 888 900
ផ្លូវជាតិលេខ ៥, ភូមិក្រោលគោ, សង្កាត់គីឡូម៉ែត្រលេខ ៦, ខណ្ឌឫស្សីកែវ, រាជធានីភ្នំពេញ, ប្រទេសកម្ពុជា

ទាញយកកម្មវិធី CNC NEWS ទៅក្នុងទូរស័ព្ទអ្នក

App Store  Play Store

Follow US

Facebook

Youtube

Line

កំពុងស្វែងរក:

​© រក្សា​សិទ្ធិ​គ្រប់​យ៉ាង​ដោយ​ CNC ឆ្នាំ​២០១៧ | Developed by INSTICT Innovation