ក្រសួងសុខាភិបាលឲ្យដឹងថា រហូតម៉ោង​ ៧:០០នាទីព្រឹក ថថ្ងៃទី១៩ ខែមេសា​ ឆ្នាំ២០២០​ កម្ពុជាពុំរកឃេីញអ្នកជំងឺ COVID-19​  ករណីថ្មី​ទេ ជាសរុបប្រទេសយេីងមានចំនួន​ ១២២ករណី​​ ដដែល​ និង មាន២ករណីជាសះស្បេីយ  សរុប ១០៥នាក់ (ស្លាប់គ្មាន​ ​)។

ទោះជាយ៉ាងនេះក្ដី នាយកដ្ឋានប្រយុទ្ធនឹងជំងឺឆ្លងបានក្រើនរំលឹកថា ពិតមែនតែពុំរកឃេីញករណីថ្មីក៏ដោយ​ សូមបងប្អូនបន្តប្រយ័ត្នជាប់ជានិច្ច ដោយធ្វេីអនាម័យ​ នៅឃ្លាតឆ្ងាយពីគ្នា​ មិនចេញក្រៅផ្ទះបេីមិនចាំបាច់​ ហើយសម្រាប់ពត៌មានបន្ថែមសូមទាក់ទងលេខ​ ១១៥។

គួរបញ្ជាក់ផងដែរថា គិតមកត្រឹមម៉ោង ៧:៣០ព្រឹកថ្ងៃទី១៩ ខែមេសា ឆ្នាំ២០២០ នេះចំនួនអ្នកឆ្លងក្នុងពិភពលោកសរុបមានប្រមាណជាង២លាន ៣សែននាក់ហើយ ខណៈអ្នកស្លាប់កើនឡើងដល់ ១៦០,៧៤៧នាក់ និងជាសះស្បើយសរុប ៥៩៦,៤៨២នាក់។

ដោយឡែកសម្រាប់តំបន់អាស៊ាន យោងលើតួរលេខអ្នកជាសះស្បើយចេះតែបន្តកើនឡើងនៅកម្ពុជានេះ  គិតត្រឹមព្រឹកថ្ងៃទី១៩ ខែមេសា ឆ្នាំ២០២០ នេះ កម្ពុជាបានក្លាយជាប្រទេសមានអត្រាអ្នកជាសះស្បើយពីជំងឺបង្កដោយវីរុសកូវីដ ១៩ ខ្ពស់ជាងគេនៅក្នុងតំបន់អាស៊ាន៕