មុនថ្ងៃបើកឃោសនាមួយថ្ងៃ សម្តេចតេជោនៅតែអំពាវនាវអោយពលរដ្ឋបោះឆ្នោតជូនគណបក្សប្រជាជន
| ព័ត៌មានជាតិ
SHARE

(ភ្នំពេញ)៖ គិតត្រឹមថ្ងៃទី ៦ ខែកក្តដា ឆ្នាំ២០១៨នេះ នៅខ្វះតែមួយថ្ងៃទៀតប៉ុណ្ណោះនឹងឈានដល់យុទ្ធនាការឃោសនាបោះឆ្នោតជ្រើសតាំងតំណាងរាស្ត្រនីតិកាលពី៦ ។


នាព្រឹកនេះ តាមរយៈទំព័រហ្វេសបុកផ្លូការ សម្តេចតេជោហ៊ុនសែន ប្រធានគណបក្សប្រជាជនកម្ពុជាបានបន្ត អំពាវនាវអោយប្រជាពលរដ្ឋគ្រប់រូបសូមអញ្ញើញទៅបោះឆ្នោត ជាពិសេសបោះឆ្នោតគាំទ្រគណបក្សប្រជាជនកម្ពុជា។
ខាងក្រោមនេះជាខ្លឹមសារទាំងស្រុងដែលដកស្រង់ចេញពីទំព័រហ្វេសបុករបស់សម្តេចតេជោហ៊ុនសែន
«សុខសប្បាយជាទេបងប្អូនជនរួមជាតិនិងក្មួយៗយុវជនយុវតី?


ថ្ងៃបើកយុទ្ឋនាការឃោសនាបោះឆ្នោតផ្លូវការគឺនឹងមកដល់នៅថ្ងៃសៅរ៍ទី ៧ កក្កដា នេះហើយ។ រីឯចំពោះគណបក្សប្រជាជនយើងវិញការប្រារព្ឋខួបកំណើតបក្សលើកទី ៦៧ ក៏នឹងប្រារព្ឋធ្វើនៅថ្ងៃសៅរ៍ខាងមុខនេះដែរ។ តើបងប្អូនបានរៀបចំនិងត្រៀមខ្លួនហើយឬនៅ?


ខ្ញុំរំភើបនឹងសប្បាយរីករាយជាខ្លាំងដែលបានឃើញជនរួមជាតិ និងក្មួយៗសស្រាក់សស្រាំគ្រប់ៗគ្នាចាប់តាំងពីទីក្រុងដល់ជនបទដោយទឹកមុខសប្បាយរីករាយរង់ចាំថ្ងៃដ៏សំខាន់បំផុតសម្រាប់ប្រទេសជាតិដែលនឹងមកដល់ឆាប់ៗក្នុងខែកក្កដានេះ។ ខ្ញុំសូមលើកទឹកចិត្តបងប្អូនទៅបោះឆ្នោតអោយបានគ្រប់ៗគ្នាដើម្បីប្រទេសជាតិយើងទាំងអស់គ្នា។
ជម្រើសដ៏ល្អបំផុត គឺសូមបងប្អូនបោះឆ្នោតអោយ គណបក្សប្រជាជនកម្ពុជា លេខរៀងទី ២០ នៅថ្ងៃបោះឆ្នោត ២៩ កក្កដា ២០១៨ ខាងមុខនេះ។ 


សូមជូនពរជនរួមជាតិ និងក្មួយៗយុវជនយុវតីជួបតែសេចក្តីសុខ និងសំណាងល្អគ្រប់ៗគ្នា។»
សូមជំរាបថា យុទ្ធនាការឃោសនាបោះឆ្នោតចាប់ផ្តើមនៅថ្ងៃទី ០៧ ខែកក្តដា ដល់ថ្ងៃទី ២៧ កក្ដដា ខណៈដែលថ្ងៃទី២៨ កក្តដា ជាថ្ងៃ «ស» ហើយថ្ងៃទី២៩ កក្តដា ជាថ្ងៃបោះឆ្នោតជ្រើសតាំងតំណាងរាស្ត្រនីតិកាលទី ៦៕


ដោយ៖អោម ចែតច័ន្ទណារ៉ា

Logo Brand Footer

Tel: 078 888 900
ផ្លូវជាតិលេខ ៥, ភូមិក្រោលគោ, សង្កាត់គីឡូម៉ែត្រលេខ ៦, ខណ្ឌឫស្សីកែវ, រាជធានីភ្នំពេញ, ប្រទេសកម្ពុជា

ទាញយកកម្មវិធី CNC NEWS ទៅក្នុងទូរស័ព្ទអ្នក

App Store  Play Store

Follow US

Facebook

Youtube

Line

កំពុងស្វែងរក:

​© រក្សា​សិទ្ធិ​គ្រប់​យ៉ាង​ដោយ​ CNC ឆ្នាំ​២០១៧ | Developed by INSTICT Innovation