ភ្នំពេញ៖ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា
សព្វព្រះរាជហឫទ័យ ប្រោសព្រះរាជទានដើមឈើមិត្តភាពជូនដល់ស្ថានទូតចិន។
នេះបើយោងតាមទំព័របណ្ដាញសង្គមផ្លូវការរបស់លោក វ៉ាង វិនពីន (WANG Wenbin) ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋបជាមានិតចិន ប្រចាំព្រះរាជាណាចក្រកម្ពុជា។

លោកឯកអគ្គរដ្ឋទូតចិន វ៉ាង វិនពីន សូមថ្លែងអំណរព្រះគុណ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ដែលព្រះអង្គបានសព្វព្រះរាជហឫទ័យប្រោសព្រះរាជទានដើមឈើមិត្តភាពជូនដល់ស្ថានទូតចិន។

«សូមជូនពរចំណងមិត្តភាពរវាងចិននិងកម្ពុជារីកចម្រើនរុងរឿងជាអមតៈ!»។ នេះជាការថ្លែងបញ្ជាក់របស់លោកឯកអគ្គរដ្ឋទូតចិន។

សូមជម្រាបជូនថា ឆ្នាំ២០២៤នេះ​ គឺជាឆ្នាំនៃខួបអនុស្សាវរីយ៍លើកទី៦៦ នៃការបង្កើតទំនាក់ទំនងការទូត រវាងព្រះរាជាណាចក្រកម្ពុជា និងសាធារណរដ្ឋប្រជាមានិតចិន៕

អត្ថបទ៖ CNC