ខេត្តព្រះសីហនុ ៖ នាវាកងទ័ពជើងទឹកប្រទេសឥណ្ឌាចំនួន ២ គ្រឿង បានចូលចតដល់កំពង់ផែស្វយ័តក្រុងព្រះសីហនុនៃប្រទេសកម្ពុជា ដោយសុវត្ថិភាព ក្នុងដំណេីរទស្សនកិច្ចរយៈពេល៤ថ្ងៃពីថ្ងៃទី១៤-១៧ ខែកុម្ភៈ ឆ្នាំ២០២៥ ក្នុងគោលបំណងដើម្បីពង្រឹងទំនាក់ទំនងយូរអង្វែងរវាង កងកម្លាំងដែនសមុទ្រនៃប្រទេសទាំងពីរ ។

នាឳកាសចូលចតនោះ មានការទទួលស្វាគមន៍យ៉ាងកក់ក្តៅពីកងទ័ពជើងទឹកមូលដ្ឋានសមុទ្ររាមដឹកនាំដោយលោកវរៈនាវីឯក មាន វឿន មេបញ្ជាការរងមូលដ្ឋានសមុទ្ររាម រួមជាមួយនាយនាវីនិងកងកម្លាំងសមត្ថកិច្ចចូលរួមរក្សាសន្តិសុខ សុវត្ថិភាព ជូនដល់នាវាទាំងពីរផងដែរ នាថ្ងៃទី១៤ខែកុម្ភៈឆ្នាំ២០២៥។

លោកមេបញ្ជាការនាវាជើងទឹកនៃប្រទេសឥណ្ឌាបានសម្តែងការនឹករលឹកពីលោកឧត្តមនាវីឯក Dinesh Kumar Tripathi នាយសេនាធិការ កងទ័ពជើងទឹក ដែលទទួលស្គាល់ភាពជាដៃគូដ៏រឹងមាំរវាងឥណ្ឌា និងកម្ពុជា ដែលបានកសាងឡើងលើតម្លៃរួម និងការគោរពគ្នាទៅវិញទៅមក។

ដំណើរទស្សនកិច្ចរបស់នាវាទាំងពីរលើកនេះ គឺដើម្បីពង្រឹងទំនាក់ទំនងយូរអង្វែងរវាង កងកម្លាំងដែនសមុទ្រនៃប្រទេសទាំងពីរ ឥណ្ឌា កម្ពុជា ក្នុងគោលបំណងបង្ហាញសិក្ខាកាម ទៅកាន់សង្កាត់ដែនសមុទ្រ និងពង្រឹងស្ពានមិត្តភាពរវាងប្រទេសទាំងពីរ។

កម្ពុជាគឺជាដៃគូដ៏សំខាន់របស់ឥណ្ឌាក្នុងចំណោមប្រជាជាតិអាស៊ាន កិច្ចសហប្រតិបត្តិការលើវិស័យការពារជាតិរវាងប្រជាជាតិទាំងពីរ និងសមយុទ្ធតាមកាលកំណត់ បានដើរតួនាទីយ៉ាងសំខាន់ក្នុងការពង្រឹងកិច្ចសហប្រតិបត្តិការរវាងកងទ័ពជើងទឹក ឥណ្ឌា IN និងកងនាវាចរកម្ពុជា RCN ។

ក្នុងអំឡុងពេលនៃការដាក់ពង្រាយនាពេលនេះ នាវានៃកងនាវាចរនឹងចូលរួមក្នុង PASSEX ជាមួយកងទ័ពជើងទឹកកម្ពុជា។ កិច្ចខិតខំប្រឹងប្រែងរួមគ្នាគឺមានសារៈសំខាន់នៅពេលដែលយើងប្រឈមមុខនឹងការវិវត្តនៃការ គំរាមកំហែងនៃការលួចចម្លង អំពើភេរវកម្ម និងសកម្មភាពដែនសមុទ្រខុសច្បាប់។
ការការពារដែនសមុទ្រ ដោយបង្ហាញពីសារៈសំខាន់កាន់តែខ្លាំងឡើងនៃ ទំនាក់ទំនងដែនសមុទ្រឥណ្ឌា-កម្ពុជា និងបានបញ្ជាក់ជាថ្មីនូវការប្តេជ្ញាចិត្តរបស់ឥណ្ឌាក្នុងការ លើកកម្ពស់ "សន្តិសុខ និងកំណើនសម្រាប់ទាំងអស់គ្នានៅក្នុងតំបន់ (SAGAR) និងជា ដៃគូសន្តិសុខដែលពេញចិត្តនៅក្នុងតំបន់៕

ដោយ ៖ ប៉ៃ សុឃីម