លោកអភិបាលស្រុកចន្ទ្រា ណែនាំដល់ពលរដ្ឋជួយតាមដាន និងពិនិត្យរាល់ការស្ថាបនាជួសជុលផ្លូវជាមួយអាជ្ញាធរ ដើម្បីប្រើប្រាស់បានយូរអង្វែង
ស្វាយរៀង៖ លោកអភិបាលស្រុកចន្ទ្រា បានមានប្រសាសន៍ថាប្រជាពលរដ្ឋគឺជាម្ចាស់ផ្លូវដូចច្នេះ មានសិទ្ធិក្នុងការតាមដានពិនិត្យជាមួយអាជ្ញាធររាល់ការជួសជុលស្ថាបនាហើយក្រោយពីជួសជុលស្ថាបនារួចត្រូវជួយថែរក្សាដើម្បីឲ្យផ្លូវមួយនេះប្រើប្រាស់បានយូរអង្វែង។
ការថ្លែងនេះរបស់លោក ថន ថាវុទ្ធា អភិបាលស្រុកចន្ទ្រា ក្នុងពិធីបើកការដ្ឋានជួសជុលផ្លូវថ្មបំបែកមួយខ្សែប្រវែង២ពាន់ម៉ែត្រ ទទឹង៥ម៉ែត្រ ១.៥តឹកស្ថិតក្នុងភូមិ កោះឬស្សី ឃុំ ទួលស្តី ស្រុក ចន្ទ្រា ខេត្តស្វាយរៀង។
ក្នុងឱោកាសនេះ លោក ថន ថាវុទ្ធា អភិបាលស្រុកចន្ទ្រាក៏បានស្នើឲ្យក្រុមហ៊ុនដែលកំពុងទទួលការក្រោយពីដេញថ្លៃបានត្រូវធ្វើតាមកិច្ចសន្យារបស់ម្ចាស់គម្រោងនិងត្រូវធ្វើតាមស្តង់ដាបច្ចេកទេសឲ្យបានត្រឹមត្រូវដើម្បឲ្យប្រជាពលរដ្ឋទទួលបានផ្លូវល្អរឹងមាំប្រើប្រាស់បានយូរ។
ជាមួយគ្នានេះ លោកអភិបាលស្រុកចន្ទ្រា បា នណែនាំដល់ប្រជាពលរដ្ឋជួយចុះតាមដានពិនិត្យមើលក្នុងពេលក្រុមហ៊ុនដេញថ្លៃបាននិងកំពុងស្ថាបនាផ្លូវបើធ្វើមិនត្រឹមត្រូវនោះទេត្រូវរាយការណ៍ប្រាប់អាជ្ញាធរមូលដ្ឋានភ្លាមជៀសវាងការកិបកេងសម្ភារដែលបណ្តាលឲ្យផ្លូវប្រើប្រាស់គ្មានគុណភាពខាតបង់ថវិកាជាតិ៕
អត្ថបទ៖ មិន ភក្ដី
