ស្ថានភាពនៅព្រំដែនភូមិព្រៃចាន់ និងភូមិជោគជ័យ មានភាពស្ងប់ស្ងាត់ ខណៈនៅសមរភូមិខេត្តព្រះវិហារ និងខេត្តឧត្តរមានជ័យ មានភាពតានតឹង
បន្ទាយមានជ័យ៖ ស្ថានភាពនៅព្រំដែនភូមិព្រៃចាន់ និងភូមិជោគជ័យ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ មានភាពស្ងប់ស្ងាត់ មិនមានហេតុការណ៍ណាមួយគួរឱ្យកត់សម្គាល់នោះទេ នៅថ្ងៃទី២៨ ខែកញ្ញា ឆ្នាំ២០២៥ ខណៈនៅថ្ងៃទី២៧ ខែកញ្ញា មានសកម្មភាពគ្រឿងចក្ររបស់ថៃបានធ្វេីការឈូសឆាយផ្លូវនៅក្នុងដីដែលទាហានថៃព័ទ្ធលួសបន្លាឈ្លានពាន។
ទោះជាស្ថានភាពនៅតាមព្រំដែនមានភាពស្ងប់ស្ងាត់ក៏ដោយ ប៉ុន្តែកម្លាំងទាហានកម្ពុជា និងពលរដ្ឋមានការត្រៀមក្នុងកម្រិតខ្ពស់ចាំរារាំងប្រសិនបេីទាហានថៃចេញធ្វេីសកម្មភារាយបន្លាលួសឈ្លានពានទឹកដីកម្ពុជា។
នៅថ្ងៃនេះដែរក៏មានពលរដ្ឋមកពីគ្រប់ទិសទី បានបន្តទៅសួរសុខទុក្ខ លើកទឹកចិត្ត និងផ្តល់ជំនួយដល់កងកម្លាំងដែលប្រចាំការនៅទីនោះ ប៉ុន្តែមិនត្រូវបានអនុញ្ញតឱ្យចូលទៅដល់កន្លែងទីតាំងដែលទាហានថៃទ័ព្ធលួសបន្លានោះទេ ដេីម្បីសុវត្ថិភាពពលរដ្ឋ ខណៈស្ថានភាពនៅសមរភូមិខេត្តព្រះវិហារ និងខេត្តឧត្តរមានជ័យ មានភាពតានតឹងខ្លាំង ដែលបង្កឡេីងដោយភាគីថៃបានបាញ់កាំភ្លេីងត្បាល់ និងកាំភ្លេីងដៃជាច្រេីនគ្រាប់ចូលមូលដ្ឋានទ័កម្ពុជា នៅថ្ងៃទី២៧ ខែកញ្ញា ឆ្នាំ២០២៥ ដែលជាការរំលោភបទឈប់បាញ់ តែកងកម្លាំងកម្ពុជាមិនបានបាញ់តបតទៅវិញនោះទេ ព្រោះកម្ពុជាត្រូវការសន្តិភាព៕
