ស្ទឹងត្រែង៖​ ស្ថានភាពកម្ពស់ទឹកទន្លេមេគង្គ និងទន្លេសេសាន បានស្រកចុះវិញហេីយ​ នៅព្រឹកថ្ងៃទី២ ខែតុលា ឆ្នាំ២០២៥។ចំណែកទឹកទន្លេសេកុងស្រុកសៀមប៉ាង បានកើនឡើងបន្តិចបន្ទួចប៉ុណ្ណោះ។

យោងតាមរបាយការណ៍របស់មន្ទីរធនធានទឹក និងឧតុនិយម ខេត្តស្ទឹងត្រែង​ នៅព្រឹកថ្ងៃទី២ ខែតុលា​ បានឲ្យដឹងថា កម្ពស់ទឹកគិតត្រឹមម៉ោង៦ព្រឹក នៅស្ថានីយ៍ស្ទឹងត្រែង កម្ពស់ទឹកម្សិលមិញកំពស់ ១០.៤៥ម៉ែត្រ​ ចំណែកនៅព្រឹកនេះកម្ពស់ទឹក​ ១០.២៣ម៉ែត្រ ស្រក ០.២២ម៉ែត្រ។​ នៅស្ថានីយ៍សេសាន ម្សិលមិញកម្ពស់ទឹក​ ៩.៩៥ម៉ែត្រ​។ ចំែណកព្រឹកនេះកម្ពស់​ ៨.៥៩ម៉ែត្រ ស្រក ១.៣៦ម៉ែត្រ។​ ដោយឡែក នៅស្ថានីយ៍សៀមប៉ាងឯណោះវិញ កាលម្សិលមិញទឹកកម្ពស់​ ១១.៧០ម៉ែត្រ​ ព្រឹកនេះកម្ពស់ ១១.៨២ម៉ែត្រ​ ឡើង ០.១២ម៉ែត្រ។

លោក លំ សេរីគុត ប្រធានមន្ទីរធនធានទឹក និងឧតុនិយម​ ខេត្តស្ទឹងត្រែង​ បានឲ្យដឹងបន្ថែមថា ខេត្តស្ទឹងត្រែងចាប់ពីថ្ងៃទី២ ដល់ថ្ងៃទី៤ ខែតុលា ឆ្នាំ២០២៥ បានទទួលរងទទួលឥទ្ធិពលពីកម្រិតសម្ពាធខ្សោយ បាននិងកំពុងមានឥទ្ធិពលលើខេត្តនេះ និងមានខ្យល់ប្រែប្រួលទិស មានល្បឿនពី ១ទៅ​ ៤ម៉ែត្រ/វិនាទី។

សូមបញ្ជាក់ថា ស្ថានីយ៍សៀមប៉ាង ទឹកបានហក់ឡើងលើសកម្រឹតប្រុងប្រយត្នហើយ ពោលគឺ​ កម្ពស់ទឹកប្រុងប្រយ័ត្ន ១១.៥០ម៉ែត្រ​នៅព្រឹកនេះ​ ខណៈម្សិលមិញកម្ពស់ទឹក​១២.៨២ម៉ែត្រ៕


ដោយ៖​ ម៉ាក មេត្តា