អគ្គិភ័យលេបត្របាក់ផ្ទះឈើក្នុងខេត្តលពបុរី ប្រទេសថៃ ខូចខាតត្រាក់ទ័រ និងយានជំនិះជាច្រើនគ្រឿង
លពបុរី, ថៃឡង់ដ៍៖ នៅម៉ោង ៧៖៥៩នាទីព្រឹកថ្ងៃពុធ ទី២២ ខែតុលា ឆ្នាំ ២០២៥ នេះ មានហេតុការណ៍អគ្គិភ័យមួយករណី បានឆាបឆេះផ្ទះឈើកម្ពស់២ជាន់មួយខ្នង ស្ថិតនៅក្នុងលំនៅដ្ឋានស្ថិតបានដនថង (Ban Don Thong) ភូមិលេខ៨ ឃុំផូថាឡាត់កែវ (Pho Talat Kaeo) ស្រុកថាវុ៑ង (Tha Wung) ខេត្តលពបុរី (នគរលវោ) ប្រទេសថៃ ។
នៅពេលក្រុមអ្នកពន្លត់អគ្គិភ័យទៅដល់ទីតាំងកើតហេតុ បានឃើញថា ភ្លើងបានលេបត្របាក់ផ្ទះឈើទាំងស្រុងទៅហើយ ខណៈអណ្ដាតភ្លើងបានរីករាលដាលបង្កការខូចខាតរថយន្តជាច្រើនគ្រឿង រួមមាន ត្រាក់ទ័រ៤គ្រឿង ឡានមួយគ្រឿង និងម៉ូតូមួយគ្រឿង។ ក្នុងនោះ មិនមានរបាយការណ៍បញ្ជាក់ថាមានអ្នកស្លាប់ឬរបួសនោះទេ ៕
ប្រែសម្រួល៖ ឡេង លាងហេង
ប្រភព | រូបភាព-Photo៖ Fire & Rescue Thailand
