ភ្នំពេញ៖ គណៈកម្មការរៀបចំការប្រឡងប្រជែងជ្រើសរើសមន្ត្រី រៀបចំការប្រឡង នៅថ្ងៃទី២៥ ខែតុលា ឆ្នាំ២០២៥ នេះ បានរៀបចំការប្រឡងប្រជែងជ្រើសរើសគ្រូបង្រៀនបឋម សិក្សាចំនួនជាង៨ពាន់នាក់ នៅមណ្ឌលប្រឡងចំនួន៣កន្លែងផ្សេងគ្នា។
គណៈការរៀបចំប្រឡងចាប់ផ្តើមទទួល ពាក្យប្រឡងពីចាប់ពីថ្ងៃទី១៩ ខែកញ្ញា ដល់ ថ្ងៃទី១៩ ខែតុលា ឆ្នាំ ២០២៥ បេក្ខ ជនដែលបានចូលបំពេញព័ត៌មានក្នុងប្រព័ន្ធសរុបចំនួន ១៦៤១០ នាក់។ ដោយឡែកបេក្ខជនដែលមានសិទ្ធិប្រឡង ប្រជែង សរុបចំនួន ៨៨៩៥នាក់ (ស្រី ៦១៩៥នាក់)ធ្វើគ្រូជាប់កិច្ចសន្យា ។
គណៈការរៀបចំប្រឡងតម្រូវការជ្រើស រើស តែចំនួន៣២១៣កន្លែងប៉ុណ្ណោះ (ក្នុងចំណោមបេក្ខជនចំនួនសរុបចំនួន ៨៨៩៥នាក់ )ឱ្យចូលបម្រើការងារនៅតាមគ្រឹះស្ថានបឋមសិក្សាសាធារណៈស្ថិតក្នុងភូមិសាស្ត្ររដ្ឋបាលខេត្តចំនួន៥ រួមមាន៖ ខេត្តព្រៃវែង ចំនួន៩៣៥ កន្លែង, ខេត្តត្បូង ឃ្មុំ ចំនួន ៦៣៨ កន្លែង, ខេត្តកំពង់ ចាម ចំនួន៥៦០ កន្លែង,ខេត្តបាត់ដំបង ចំនួន ៦៤៧ កន្លែងនិងខេត្តតាកែវ ចំនួន ៤៣៣ កន្លែង។
ការប្រឡើងជ្រើសរើសគ្រូកិច្ចសន្យាដើម្បីចូលរួមដោះស្រាយបញ្ហា នៃការខ្វះគ្រូ ក៏ ដូចជាបានរួមចំណែកក្នុងការពង្រឹងគុណ ភាពអប់រំនៅតាមមូលដ្ឋានទាំងនោះបានមួយកម្រិតទៀតនឹងផ្តល់នូវអត្ថប្រយោជ ន៍ កាន់តែប្រសើរបន្ថែមទៀតជូនដល់សិស្សានុសិស្ស អាណាព្យាបាល ព្រមទាំងលោកគ្រូ អ្នកគ្រូ នៅតាមសហគមន៍ទាំង នោះផងដែរ។
គណៈកម្មការរៀបចំការប្រឡងប្រជែងគ្រប់ៗរូប ក្នុងនាមជាសេនាធិការរបស់រាជ រដ្ឋាភិបាល តែងតែខិតខំប្រឹងប្រែងផ្តល់ឱ កាសស្មើគ្នា និងឱកាសច្រើនដងជូនបេក្ខ ជនទាំងអស់បានប្រឡងប្រជែងគ្នាផ្អែក លើសមត្ថភាពរៀងៗខ្លួន ប្រកបដោយគុណាធិបតេយ្យ តម្លាភាព យុត្តិធម៌ បរិយាបន្ន និងប្រសិទ្ធភាព។
គណៈកម្មការរៀបចំការប្រឡងប្រជែង បានទទួលស្គាល់ «អ្នកសង្កេតការណ៍ស្ម័គ្រចិត្ត» ចំនួន ៤០រូប និងមានអ្នកសង្កេតការណ៏មកពីសហភាព សហព័ន្ធ យុវជនកម្ពុជា (ស.ស.យ.ក)អង្គភាពប្រឆាំងអំពើពុករលួយត្រូវបានអនុញ្ញាតចូលរួមសង្កេតការណ៏ក្នុងដំណើរការ ប្រឡងប្រជែងជ្រើសរើសគ្រូបង្រៀនផ្អែកលើកិច្ចព្រមព្រៀងការងារ ឱ្យចូលបម្រើការងារនៅតាមគ្រឹះស្ថានបឋម សិក្សាសាធារណៈ តាមកាលបរិច្ឆេទ និងមណ្ឌល រួមមាន៖ សាកលវិទ្យាល័យភូមិន្ទ នីតិសាស្ត្រ វិទ្យា សាស្ត្រ សេដ្ឋកិច្ច, វិទ្យាស្ថាន ជាតិ អប់រំ NUM, វិទ្យាស្ថានជាតិ អប់រំ។ មណ្ឌលកំណែ នៅសាលាភូមិន្ទរដ្ឋបាល ពីថ្ងៃទី២៦-២៧-២៨ខែតុលា ឆ្នាំ២០២៥។ ចំពោះលទ្ធផលប្រឡងនឹងអាចប្រកាសនៅសប្តាហ៍ចុងខែតុលា នេះ៕
អត្ថបទ៖ វង សុភ័ក្ត្រ