ព័ត៌មានជាតិ

មជ្ឈមណ្ឌលសហប្រតិបត្តិការកម្ពុជា-ជប៉ុន ចាត់ទុកសៀភៅ "១២គោលការណ៍សម្រាប់គ្រប់គ្រងអាជីវកម្ម"​ ជាមគ្គុទ្ទេសក៍ដ៏មានតម្លៃសម្រាប់ ម្ចាស់អាជីវកម្ម អ្នកគ្រប់គ្រង និងបុគ្កលិកទូទៅ

image

ភ្នំពេញ៖​ មជ្ឈមណ្ឌលសហប្រតិបត្តិការកម្ពុជា-ជប៉ុន (CJCC) បានសម្រេចធ្វេីការបកប្រែផ្សព្វផ្សាយជាផ្លូវការនូវសៀវភៅដែលទើបចេញលក់ថ្មីៗនេះ គឺសៀភៅ "១២គោលការណ៍សម្រាប់គ្រប់គ្រងអាជីវកម្ម"​ ដែលនិពន្ធដោយអ្នកជំនួញ និងទស្សនវិទូជនជាតិជប៉ុនដ៏ល្បីល្បាញមួយរូបគឺ​ លោក អុីណាម៉ូរី កាហ្ស៊ូអូ។​ សៀវភៅនេះក៏ជាមគ្គុទ្ទេសក៍ដ៏មានតម្លៃសម្រាប់ជំនួយស្មារតី មិនត្រឹមតែម្ចាស់អាជីវកម្ម និងអ្នកគ្រប់គ្រងដឹកនាំអាជីវកម្មប៉ុណ្ណោះទេ ថែមទាំងសម្រាប់បុគ្កលិកទូទៅក្នុងការចូលរួមចំណែកបំពេញការងារក្នុងស្ថាប័នឱ្យមានការរីកចម្រើនប្រកបដោយនិរន្តរភាព និងចីរភាព។

លោក​ ឃឹម លាង នាយកមជ្ឈមណ្ឌលសហប្រតិបត្តិការកម្ពុជា-ជប៉ុន (CJCC)​ បានឱ្យដឹងថា​ សៀវភៅនេះគឺជាការបកប្រែពីភាសាជប៉ុន​ មកជាសាខ្មែរ​ ដោយអ្នកនិពន្ធបានលាតត្រដាងយ៉ាងលម្អិតអំពី គោលការណ៍គ្រឹះទាំង ១២ ដែលបានអនុវត្តជោគជ័យ ដោយក្នុងនោះមានការបញ្ចូលមូលដ្ឋានគ្រឹះជាអទិភាព មានដូចជា ចក្ខុវិស័យវែងឆ្ងាយ វិន័យ ភាពជាអ្នកដឹកនាំប្រកបដោយឆន្ទៈដ៏មោះមុត និងក្រមសីលធម៌​ ជាដេីម។

បេីតាម​ លោក​ ឃឹម លាង មូលហេតុដែល CJCC​ សម្រេចជ្រេីសយកសៀវភៅនេះមកបកប្រែ​ ដោយយល់ឃេីញថា​ ជប៉ុន​ និងកម្ពុជា​ គឺស្ថិតក្នុងតំបន់អាស៉ីដូចគ្នា​ មានចំណុចប្រសព្វដូចគ្មាច្រេីន​ ដែលធ្វេីឱ្យប្រជាជនកម្ពុជាងាយនឹងទទួលយកនូវទ្រឹស្តីមកអនុវត្ត។

ម្យ៉ាងវិញទៀត​ CJCC​ យល់ឃេីញថា​ ខ្លឹមសារនៅក្នុងសៀវភៅដែលបានសរសេរនោះ​គឺល្អសម្រាប់អ្នកដឹកនាំផ្នែកអាជីវកម្ម​ ដោយមានប្រាប់ពីរបៀបនៃការធ្វេី​ ឬដឹកនាំអាជីវកម្មឱ្យទទួលបាននូវការលូតលាស់ទៅមុខ។ ចំពោះបុគ្គលិក​ និងម្ចាស់អាជីវកម្មវិញ​ នឹងធ្វេីឱ្យមានភាពសុខដុមរមនានឹងគ្នា​ ហេីយផ្តល់ជាប្រយោជន៍ទៅដល់សង្គម​ ដែលត្រូវនឹងសង្គមកម្ពុជានាពេលបច្ចុបន្ន​។ សៀវភៅនេះមិនមែនសម្រាប់តែម្ចាស់អាជីវកម្មទេ​ មានន័យថា​ ទាំងបុគ្គលិក​ ម្ចាស់អាជីវកម្ម​ និងសង្គម​ សុទ្ធតែទទួលបានផល​ដូចគ្នា។

ជាមួយគ្នានេះ​ លោក​ អៀង សុធារ៉ា
ទីប្រឹក្សា ជាប្រធានសមាគមពាណិជ្ជកម្ម និងវិនិយោគកម្ពុជា-ជប៉ុន (CJBI)​ ក៏បានលេីកឡេីងដែរថា​ ភាពជោគជ័យលេីអាជីវកម្ម​មួយ មិនមែនពឹងតែលេីសៀវភៅ "១២គោលការណ៍សម្រាប់គ្រប់គ្រងអាជីវកម្ម"​ នេះតែមួយមុខទេ​ ប៉ុន្តែអាស្រ័យលើសហគ្រិនម្នាក់ៗយកទៅអនុវត្តដោយភាពប៉ិនប្រសព្វ ឬចេះកែធ្នៃវា។ សៀវភៅ ១២គោលការណ៍នេះ គ្រាន់តែជាការប្រាប់ផ្លូវក្នុងការបង្កើតអាជីវកម្មតែប៉ុណ្ណោះ ដែលអ្នកជំនួញជោគជ័យម្នាក់របស់ជប៉ុនបានសរសេរចងក្រងឡើងអំពីភាពជោគជ័យរបស់ខ្លួននៅក្នុងអាជីវកម្មដើម្បីធ្វើការចែករំលែកទៅដល់អ្នកផ្សេង។

សូមបញ្ជាក់ថា​ សៀភៅ "១២គោលការណ៍សម្រាប់គ្រប់គ្រងអាជីវកម្ម"​ ទទួលបានការគាំទ្រយ៉ាងខ្លាំង​ ចាប់តាំងពីការចេញផ្សាយលើកទី១ ជាភាសាជប៉ុននៅក្នុងឆ្នាំ២០២២ រហូតមកដល់បច្ចុប្បន្ន។ សៀវភៅនេះត្រូវបានលក់ក្នុងប្រទេសជប៉ុនអស់ប្រមាណ​ ៨មុឺន​ ៥ពាន់ច្បាប់៕